Christophle de Beaujeu
@christophleDeBeaujeu
A Madame, a qui je fis fort bien un enfant Madame c'est icy qu'il vous faut enfanter, Prenez moy par le col, estendez vous par terre, Vous souffrirez icy le mal de nostre guerre, Mais ce mal, non la mort, il ne faut redouter : Ne criez pas si haut, l'on vous peut escouter, Que diroit-on, Madame, ô Dieu qu'elle me serre, Je voy bien que l'Amour plus durement enferre Que le barbier ne peut le fer du trait oster : Non soubz le sainct Cyprès, mais entre deux fontaines, La Déesse accouchant * subit les mesmes peines, Faisant sortir un fils d'un tout semblable lieu : Le sanglier, le géant, et le serpent Numide, Vindrent pour l'effrayer, mais ce champestre Dieu Luy servit comme moy, d'asseurance et de guide.